Биыл Бибігүл Төлегенова 95 жасқа толады

Қазақтың бұлбұл әншісі Бибігүл Төлегенова биыл 95 жасқа толады. Мерейтойға орай елордада аты аңызға айналған өнер майталманының құрметіне концерт өтті. Астана Опера сахнасындағы кеште жезтаңдай әншінің шекпенінен шыққан шәкірттері мен үзеңгілес әріптестері өнер көрсетті. Ал әншінің өзі бұл жолы көрермен қатарынан табылды. Ғибратты ғұмыр иесі 70 жылдан астам сахнаның сәнін келтірді. Оның тұмадай тұнық үнін талай буын тыңдап өсті. Ұлт мақтанышы Бибігүл Ахметқызының репертуары өте бай. Ән қоржынында қазақтың халық әндерімен қатар әлемдік музыка жауһарлары көптеп кездеседі. Соның бірқатары осы кеште шырқалды. #Жаңалықтар #Новости #24KZ #хабар24