Биыл электронды үкімет порталы арқылы 20 млн-нан аса мемқызмет көрсетілген
Елімізде жыл басынан бері электронды үкімет порталы арқылы 20 миллионнан аса мемлекеттік қызмет көрсетілген, деп хабарлайды 24kz. Қазір мемлекеттік қызметтің 90%-і электронды форматқа көшкен. Нәтижесінде Қазақстан Біріккен ұлттар ұйымының цифрлы мемлекеттер тізімінде 24-орында, ТМД ішінде бірінші орында тұр. Бұл туралы Алматыда өткен «Цифрландыру, жасанды интеллект және құқық» тақырыбындағы жиында айтылды. Оған елдегі Адам құқықтары жөніндегі уәкіл Артур Ластаев бастаған мамандар қатысты. Сарапшылардың пікірінше, цифрландыру саясаты-мемлекеттік басқарудан бастап сот жүйесі, құқықтық саладағы ашықтықты қамтамасыз етіп, әділ шешім шығаруға септігін тигізеді. Цифрландыру жүйесіндегі көшбасшы мемлекеттердің бірі – француз мамандары өз тәжірибесімен бөлісті. #электронды #үкімет #порталы #цифрландыру
