Ел чемпионы шеберлік сағатын өткізді

Шахматтан ересектер арасында ел чемпионы, жерлесіміз Алдияр Аңсат бір сәтте 20 жеткіншекпен шеберлік байқасып, ойын өрнегін көрсетті. Облыс орталығында өткен ой додасында Сыр өрендерімен қатар, халықаралық турнирге қатысуға келген көршілес елдің балғындары да бақ сынады. Олар 15 жасында ел чемпионы атынып, рекорд орнатқан Алдиярмен аңдысып бақты. Тіпті көпке дейін тайталасып, тең нәтиже тіркегендер де бар. Шарада Фиде шеберімен қаз-қатар шапқан жас жүйріктерге арнайы алғыс хат пен бағалы сыйлықтар табысталды. Айта кетейік, Сыр перзенті Алдияр Аңсат өткен жылы ел чемпионатында ең жас спортшы бола тұра қарсыластарының барлығын қапы қалдырған болатын. Енді ол әлемдік бәсекелерде бәсінің жоғары екенін байқатып, ел абыройын асқақтатуды көздеп отыр. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/