Жәнібек Әлімханұлы мен Хамза Шираз ақпан айында жұдырықтасады

Жәнібек Әлімханұлы мен Хамза Шираз 22-ші ақпан күні Сауд Арабиясының Эр-Рияд қаласында жолығады. Бұл жөнінде спорт инсайдері Майкл Бенсон мәлімдеді. Оның алдында Top Rank промоутерлік компаниясының басшысы Боб Арум да осыған ұқсас пікір білдірген еді. Бүкіләлемдік бокс ұйымы қазақстандық және британиялық былғары қолғап шеберлерін жұдырықтасуға міндеттеді. Жәнібек WBO тұжырымы бойынша чемпиондық атағын қорғауы қажет. Сәйкесінше, екеуінің менеджерлеріне келісім жасасу үшін 15 тәулік уақыт берді. Ұлыбританиялық Хамза Шираз WBO және WBC тұжырымдары бойынша әлемдік рейтингте бірінші тұр. Ол бүгінге дейін 25 кездесу өткізіп, бірде-бір рет жеңілмеген. 21 кездесуді уақытынан бұрын аяқтаған. Жәнібектің көрсеткіші 16 жекпе-жек, 16 жеңіс. Жерлесіміз WBO мен IBF тұжырымдары бойынша әлем чемпионы. Ол бірер апта бұрын Сидней қаласында жаңазеландиялық Андрей Михайловичті нокаутпен ұтты. Соның арқасында, чемпиондық атақтарын қорғап қалды. Сайт - https://kokshetv.kz Instagram - https://www.instagram.com/kokshe.tv/ Facebook - https://www.facebook.com/kokshetv/ Twitter - https://twitter.com/Kokshe_TV Tik Tok - https://tiktok.com/@kokshe.tv Qazaqstan TV мобильді қосымшаны жүктеп алыңыз: https://qazaqstan.tv/app BirgeTV: http://qazaqstan.tv/birgetv