Израиль шабуылынан жеті палестиналық тұрғын қаза тапты

Израиль Газа секторының солтүстігін атқылап, 7 адам қаза тапты. Тағы бірнеше кісі зардап шеккен. Олардың көбі әйел мен бала. Рейтер агенттігі осылай деп хабарлады. Олардың мәліметіне қарағанда, бомба бейбіт халық қоныстанған уақытша лагерьге қарай түскен. Израиль күштері тағы солтүстіктегі Джабалия қаласына зымыранмен соққы жасаған. Еске салайық, өткен жылдың қарашасында халықаралық қылмыстық сот Израиль премьер-министрі Беньямин Нетаньяху мен бұрынғы Қорғаныс министрі Йоав Галлантты Газа секторындағы әскери және адамзатқа қарсы қылмыстары үшін қамауға алу туралы бұйрық шығарды. Қақтығыс басталғалы 46500-ден астам палестиналық көз жұмды. #израиль #Новости #24KZ #хабар24