«КӨЛІКТЕГІ ҚАУІПСІЗДІК» АКЦИЯСЫ БАСТАЛДЫ

Бүгін еліміз бойынша «Көліктегі қауіпсіздік» акциясы басталды. Қызылорда станциясы желілік полиция бөлімінің қызметкерлері осыған орай теміржолдағы қауіпті өткелдерді аралап, тұрғындарға түсіндірме жұмыстарын жүргізді. Қызылорда станциясынан тәулігіне шамамен отыздан астам жолаушылар және жүк пойызы өтеді. Жүйткіген отарбаны дер кезінде тоқтату мүмкін емес. Сондықтан пойызға жақындамай, қауіпсіздікті қатаң сақтаған жөн. Өкінішке қарай, кейбір тұрғындар рұқсат етілмеген өткелдермен жүреді. Тіпті тоқтап тұрған пойыздың астынан өтіп кетуге асығады. Мұның арты қайғылы жағдайға әкеп соқтыратыны белгілі. Сондықтан Қызылорда станциясы желілік полиция бөлімінің қызметкерлері тұрғындарды қауіпсіздікке баса мән беруге шақырды. АЙҒАЛИ БАХЫТОВ - ҚЫЗЫЛОРДА СТАНЦИЯСЫ ЖЕЛІЛІК ПОЛИЦИЯ БӨЛІМІ ӘПБ БАСТЫҒЫ //2023 жылы Қызылорда станциясы желілік полиция бөлімінің қызмет ету аймағында пойыз басудың жеті дерегі тіркелді. Оның бесеуі өліммен аяқталып, екеуі жарақат алып, мүгедек болып қалды. Сол үшін қала тұрғындарын арнайы өткелмен өтуге шақырамыз...// Сайт - https://qyzylordatv.kz/ru/live Facebook - https://www.facebook.com/qyzylordatv/ VK - https://vk.com/qyzylordatv Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/