Қасиетті Рамазан айы басталды
Ораза тұту – мұсылманға міндет етілген бес парыздың бірі. Жалпы, ораза ұстаудың сауабы қандай? Ауыз бекітуден кімдер босатылады? Рамазан айының қадыр - қасиеті жайлы не білеміз? Адам баласын тура жолға бағыттайтын берекелі ай туралы келесі бейнематериалда. ӘКІМЖАН ЖОЛТАЕВ-ТІЛШІ Барша мұсылман қауым асыға күткен Рамазан айы да келді. Рамазан бұл айлардың сұлтаны. Бұл айда ораза ұстап, ауыз бекітіп қана қоймай, тілден, көзден, барық теріс әрекеттерден алыс болған жөн. Қайырымдылық жасап, жоқ-жітікке қол ұшын созған абзал. Себебі, бұл айда жасалған әрбір істің сауабы сансыз ДАСТАН ҚҰРМАНБАЕВ - ҚМДБ ОБЛЫС БОЙЫНША ӨКІЛІ, «АҚМЕШІТ-СЫРДАРИЯ» МЕШІТІНІҢ БАС ИМАМЫ Пайғамбарымыз Ораза қалқан дейді. Яғни адамды қабір азабынан, тозақтың азабынан құтқарады. Ораза ұстауға созылмалы ауруы немесе қарттығы себепті мүмкіншілігі болмайтын адамдар егер материалдық жағдайы жетіп тұрса күн сайын бір мүскінді екі мезгіл тамақтандыру арқылы оразасын өтеген болып есептеледі... Сансыз сауапқа кенелетін Рамазан айы биыл 11 наурыздан бастап 9 сәуірге дейін жалғасады. Мың айдан да қасиетті Қадір түні 5-нен 6 сәуірге қараған түні енеді. Отыз күн ораза ұстаған жамағатқа арналып өңірдегі барлық мешітте ауыз ашар дастарханы жайылады. Тарауих намазы оқылып, Құран хатым етіледі. Түрлі қайырымдылық, танымдық шаралар мен акциялар өткізіледі. Зекет қорының «Ел үлесі» жобасы аясында екі отбасыға баспана беріледі. ДАСТАН ҚҰРМАНБАЕВ - ҚМДБ ОБЛЫС БОЙЫНША ӨКІЛІ, «АҚМЕШІТ-СЫРДАРИЯ» МЕШІТІНІҢ БАС ИМАМЫ Ерекше бір айта кетерлігі, ауыз бекіткен жас отбасыларға арнайылап ауызашар беріледі. Көбейіп жатқан ажырасудың алдын алу мақсатында оларға арнайы ауызашар жасап сол жерде отбасының іргесінің берік болуы, отбасы құндылығы, бала тәрбиесі жайында уағыз, насихаттар айтылатын болады Биыл пітір-садақа беру құны жан басына 640 теңге болып белгіленді. Бұл нарықтағы екі келі ұнның орташа бағасына тең. Пітір садақаны Оразаның алғашқы күнінен Айт намазына дейін беру керек. Сайт - https://qyzylordatv.kz/ru/live Facebook - https://www.facebook.com/qyzylordatv/ VK - https://vk.com/qyzylordatv Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
