Ә.НҰРПЕЙІСОВТІ ЕСКЕ АЛУҒА АРНАЛҒАН ӘДЕБИ КЕШ ӨТТІ
Қазақстан Халық партиясының ұйымдастыруымен Әбдіжәміл Нұрпейісовтің 100 жылдығына арналған «Өмір шындығына адалдық» атты әдеби кеш өтті. Мен, Әбдіжәмілмін, менің кейіпкерлерім сендер менің жүрегімнен түлеп, ұлттың рухына айналдыңдар. Қазақ деген халықтың қан мен терін болашаққа баян қылдыңдар. Мәңгілік өмір, сендердің бойларыңнан қан тамырлап, тебіреніс толқындарын теңіз көңілдің шаттық шарайындай бола бермек. Қазақстанның Еңбек Ері, Мемлекеттік сыйлықтың лауреаты, соғыс ардагері Әбдіжәміл Нұрпейісовтің әдебиетке сіңірген еңбегі ұшан-теңіз. Ол ғасырға жуық ғұмыр кешті. Соның 80 жылын қалам ұстап өтті. Әдебиетке деген адалдықтың, шығармашылыққа деген жауапкершіліктің қандай болатынын ісімен көрсете білді. Жазушының өнегелі өмір жолы мен шығармашалығын насихаттау мақсатында ұйымдастырылған әдеби кешке зиялы қауым өкілдері, «Қазақстан Халық партиясының» мүшелері, қаламгерлер мен студенттер қатысты. НҰРДӘУЛЕТ ОРАЗХАНОВ - ҚХП ОРТАЛЫҚ АППАРАТЫ ҰЙЫМДАСТЫРУ БӨЛІМІНІҢ БАСШЫСЫ Қазақстан Халық партиясы жазушының туған жерінде іс-шаралар легін ұйымдастырып отырмыз. Сыр өңірінде қазан-қараша айларында үлкен іс-шара өткіздік. Сурет байқауы, 30-ға жуық білім ордасында кітап көрмесі өтті, 1000-даған оқушылар жазушының еңбегімен танысуға мүмкіндік алды. Міне бүгін сол шараның тағы бір жалғасына келіп отсыздар.Бұл шарадағы басты-мақсат, жазушының бай-мұрасын ұрпаққа дәріптеу, жас ұрпаққа тарату. Тағылымды іс-шара барысында бірқатар қаламгер «Қазақстан Халық партиясының» алғыс хатымен марапатталды. ҚАРШЫҒА ЕСІМСЕЙІТОВА – ҚАЗАҚСТАН ЖАЗУШЫЛАР ОДАҒЫ ОБЛЫСТЫҚ ФИЛИАЛЫНЫҢ ТӨРАЙЫМЫ Мынау жиында көптеген баяндамалар жасалды, әр шығармасына талдау жасалды, әркім өзінің пікірінде айтып жатыр. Мен ойлаймын, осындай атқарылып жатқан істермен Әбдіжәміл Нұрпейісовтың рухы келер ұрпаққа асқақтап, жаңаша бір леппен жетеді ғой, деп ойлаймын. Бұндай іс-шараның бізден гөрі келер ұрпаққа берер пайдасы үлкен зор. Тағы бір айта кетерім, көзінің тірісінде кейіпкерлерінің ескерткішке айналып, мұражай ашылған қазақтан шыққан жалғыз жазушы деп айтамыз. Әбдіжәміл Нұрпейісов – қазақ әдебиетін әлемдік деңгейге көтерген тұлға. Бұл сөзімізге оның шет тілдерге аударылған шығармалары, әлем оқырмандарының жоғары бағасы дәлел. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
