東張西望｜留意網絡釣魚短訊，認住有「#」號開頭電話短訊，避免受騙！

【東張西望】留意網絡釣魚短訊，認住有「#」號開頭電話短訊，避免受騙！ 「網絡釣魚」係常見嘅詐騙方法，騙徒會偽裝成銀行、政府機構、電訊商、連鎖零售商店等，向你發送短訊或電郵，聲稱你帳戶有異常、或者積分到期要換領禮品、需要核實帳戶等，要求你點擊內含嘅連結或掃二維碼，進入假網站，從而獲取你嘅密碼、銀行資料或其他個人資料。之後登入你嘅賬戶，轉走你嘅血汗金錢。 所以時刻謹記無論咩情況都好，首先記住「Link咪亂撳」﹗ 除此以外，為咗協助市民識別短訊發送人嘅身分，主要銀行、電訊商及個別政府部門已經參與咗「短訊發送人登記制」 。 當你收到以「#」號開頭嘅發送人發出嘅短訊，即表示該短訊由通訊辦認證的發送人發出。「#」號用以協助市民識別短訊發送人嘅身份，防範欺詐短訊。現時已經有40多間銀行參加咗計劃。 認住有「#」號開頭嘅電話短訊，咁就無咁易受騙！ 了解更多：https://www.ofca.gov.hk/tc/consumer_focus/guide/hot_topics/ssrs/index.html #東張西望 #TVB #香港銀行公會 #短訊發送人登記制 #LINK咪亂撳 #社會 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm