140 ОТБАСЫ ҚОНЫС ТОЙЫН ТОЙЛАДЫ
Тәуелсіздік күні қарсаңында сырдариялық 140 отбасы қоныс тойын тойлады. Облыс әкімі Нұрлыбек Нәлібаев баспаналы болған тұрғындарға пәтер кілтін табыстап, көпшіліктің қуанышымен бөлісті. Баспаналы болғандардың бірі - Әсем Айкөпешова. Көпбалалы ана бес жылдан бері үй кезегінде тұрған. Енді міне, жаңа жыл қарсаңында жаңа мөлтек ауданнан үй алып, қуанышы еселене түсті. Жеті құрсақ көтерген батыр ана бұл балаларымның несібесі,- дейді. ӘСЕМ АЙКӨПЕШОВА, КӨПБАЛАЛЫ АНА үй жақсы, жарық, жылы кең. Алтын алқа иегерімін. Жеті балам бар, шүкір. Үлкенім 22-де, немерем бар. Бұған дейін Мәлібаев ауылында тұрдық. Енді жаңа баспанаға келдік, жаңа үміт, берекелі болсын дейміз Көпбалалы ана Айгүл Дайрабаева да жаңа пәтердің кілтін алып, қоныс тойын тойлады. АЙГҮЛ ДАЙРАБАЕВА, КӨПБАЛАЛЫ АНА Кезекке тұрғаныма 6-7 жылдың көлемі болды. Жаңа жылдың қарсаңында жаңа үйге ие болып жатқаныма қуаныштымын. .... Халықты баспанамен қамту бірінші кезектегі мәселе. Өңірде осы мақсатта бюджеттен қомақты қаржы бөлініп, тұрғын үй құрылысы қарқынды жүріп жатыр. Мәселен, облыс көлемінде соңғы екі жылда 4 мыңға жуық пәтер табысталып, 17 мың тұрғын баспаналы болды. Нұрлыбек Нәлібаев бұл жұмыстар алдағы уақытта да жалғасын табатынын айтты. НҰРЛЫБЕК НӘЛІБАЕВ, ОБЛЫС ӘКІМІ Ал биылғы жылы жеке азаматтардың жаңадан салған пәтерлерін сатып алуға респ.бюджеттен 39 млрд 100 млн теңге қаражат алдық. Соған 2,5 мың пәтер салынып, ел игілігіне табысталуда..... Сырдария ауданында тұрғын үй құрылысынан бөлек жол жөндеу, газдандыру, елді мекенді абаттандыру жұмыстары жүріп жатыр. Жуырда Асқар Тоқмағамбетов, Сәкен Сейфуллин ауылдары көгілдір отынға қосылса, Нағи Ілиясов пен Шаған ауылдарын газдандыру бойынша жаңа жоба басталды. Ал, жақсы жағдайдағы жолдардың үлесі 99 пайызға жеткен. Облыс әкімі ауданда атқарылып жатқан өзге де бастамаларға тоқталып, сәттілік тіледі. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
