Chama cha KNUT, Kimetangaza mgomo wa walimu utakaoanza tarehe 26 mwezi Agosti

Chama cha walimu nchini, KNUT, Kimetangaza mgomo wa walimu utakaoanza tarehe 26 mwezi Agosti endapo tume ya kuajiri walimu haitakuwa imeshughulikia matakwa yao. KNUT imeishtumu tsc kwa kupuuza juhudi za mawasiliano yao huku ikisema tayari imewasilisha malalamishi yao kwa wizara ya leba. Baadhi ya matakwa yao ni uajiri na walimu kupandishwa vyeo pamoja na utekelezwaji wa mkataba wa makubaliano ya pamoja wa mwaka wa 2021 hadi 2025.