Dosye Ayiti a te yon lòt fwa ankò nan mitan yon reyinyon espesyal ayè jedi a, nan Konsèy sekirite

Dosye Ayiti a te yon lòt fwa ankò nan mitan yon reyinyon espesyal, aye jedi a, nan Konsèy sekirite nasyonzini. Nan kad rankont sa a, plizyè peyi manm renouvle enkyetid yo genyen parapò a jan klima ensekirite a ap vale teren nan peyi a. Majorite nan peyi sa yo tankou Lachin, Etazini, Japon, Lafrans ak Laswis kontinye plede anfavè deplwaman misyon miltinasyonal soutyen ak sekirite a an Ayiti, pou kapab vin ede Lapolis la fè fas kare ak bandi yo. Peyi tankou Lafrans ak Japon pwomèt pou bay lajan epi sipò materyèl nan kad misyon sa a, ki deja jwenn otorizasyon Nasyonzini.