GRAN TIT || Jounal Kreyòl Premye Okazyon || Lendi Jiyè

1.- Bandi ak zam yo reprann kontwol komisarya gresye a yon anko aye dimanch la. Jiska prezan selon enfomasyon yo pata gen okenn polisye ki viktim nan atak sa . Toufwa plizye sivil ta mouri ak kay boule ,dapre sa nou aprann . Yon video pwopagann bandi yo montre yo okipe espas komisarya ak gwo zam nan men yo . Depi apre entalasyon nouvo DG PNH la ak deplwaman premye kontenjan fos miltinasyonal la okenn operasyon poko oganize ,nan yon kapital kote gang ak zam yo kontwole 80% teritwa . 2.-Antretan gen plizye chanjman ki komanse fet nan chen komandman PNH la nan depatman lwes peyi a. 2 nouvo direkte depatmantal enstale ,komise divizyone Xavier Seide kom nouvo direkte depatmantal lwes 2,li ranplase nan pos sa komise prensipal Roger lamartiniere ki li menm transfere nan kabine direkte jeneral la,Normil Rameau . Komise divizyone Gilbert Conseillant se nouvo direkte depatmantal lwes 1,li ranplase nan pos sa komise divizyone Yvon Cantave ki transfere nan kabine DG PNH la . 3.-Premye minis Garry Conille nan tet yon delegasyon twouve li depi vandredi ozetazini nan kad premye visit ofisyel li nan Washington ak new-york,dapre yon kominike biwo kominikasyon primati a . Chef gouvenman gen ak li minis ekonomi ak finans la ,minis afe etranje ayisyen an ak direkte kabine li ,Nemsy Manigat . Pandan visit sa, chef gouvenman ap gen pou patisipe nan plizye rankont travay ak responsab enstitisyon finansye entenasyonal yo epi yon vizit enspeksyon nan anbasad ayiti a,nan washington . Se minis jistis la,met Carlos Hercule kap jwe wol premye minis peyi a pou yon ti bout tan pandan absans chef gouvenman Garry Conille . 4.- Dezyem faz pwoje demolisyon kay ki twouve yo jiska 35 met ak kloti ayopo entenasyonal Tousen Louveli a lanse aye dimanch la pou yon seri zon tankou lakou malo,foyer divin ak dwouya . Majistra taba,Nice Simon fe konnen gen lot kay ki twouve yo jiska 60 met kap gen pou demoli tou akoz yo reprezante yon danje pou pis ayopo a . Pwoje sa kise yon pwoje leta ayisyen nan pi wo nivo gen pou objektif garanti sekirite ayopo a jiska wout nasyonal nimewo 1 an,yon fason pou pi byen pwoteje ayopo a epi reponn ak egzijans sekirite entenasyonal yo. 5.-Admnistrasyon nasyonal enstiti fomasyon pwofesyonel ( INFP) rekipere Plis pase 500 chek ki estime ak yon montan 18 milyon goud anviwon epi retounen ale nan trezo piblik,dapre yon kominike yo mete deyo 24 jen pase a . Nan korespondans sa ki al jwenn direkte trezo piblik ministe ekonomi ak finans Jean Bouco jean-Jacques , administrasyon INFP deklare demach pou aseni depans pesonel yo, vize amelyore pefomans enstiti a epi favorize nouvel tet ranplase anplwaye ki gen laj retret yo , ki mouri ak sila yo ki abandone pou ale nan pwogram BIDEN nan . 6.- Yon gwoup Pwofese nan inivesite limonad yo anonse yap kanpe travay apati premye jiye 2024 la. Nan yon korespondans yo voye bay rekte inivesite leta ,pwofese yo fe konnen campus la pa gen anyen kom enfrastrikti . Pwofese yo raple sa fe lontan depi yap reklame yon ogmantasyon sale a apre plis pase 10 lane travay men poutan rektora pa janm reyaji sou dosye sa . 7.-Lanmè Karayib la ajite anpil akoz plizyè fenomèn meteyowolojik: BERYL tounen yon ouragan kategori 4 ki kapab pote anpil danje. Pou kounya BERYL lokalize nan direksyon Sidès peyi Babad ak yon vitès 500 kilomèt. Sistèm sa kontinye ranfòse, li kapab tounen yon menas pou zile Karayib yo apati jodi lendi a,dapre Inite idwometewolojik peyi dayiti ki di yap kontinye swiv evolisyonn ouragan Beryl . Antretan -Yon zòn bas presyon ki lokalize nan direksyon Sidwès Kapvè kontinye pwovoke move tan sou rejyon Karayib la. Fenomèn sila kapab tounen yon depresyon twopikal nan mitan semèn premye jiyè a.