GRAN TIT Jounal Kreyòl Premye Okazyon vandredi 19 Jiyè 2024
1.- Piblikasyon nan jounal ofisyel peyi a le moniteur Arete ki deklare eta dijans sekirite nan seten komin ak lokalite depatman lwes ak latibonit pou yon peryod yon mwa - 14 komin sa yo se ,Gresye,kafou, potoprens, site soley, delma,taba,petyonvil ,kenskof, kwadebouke, kabare,tomazo, lyankou,ti rivye latibonit ,veret ak wout nasyonal #1 an, gwomon jiska tibwadom . Pandan peryod sa chef gouvenman kapab deklare yon kouvrefe . 2.-Arete ki kreye Komisyon sou mizannev refom la pibliye aye jedi a ,li gen ladan li 9 manm . Komisyon sa ki gen yon manda 10 mwa gen pou misyon evalye dekre 20 mas 2020 an konsenan kod penal ayisyen an . 9 pesonalite kife pati komisyon sa ,Enex Jean Charles prezidan,met Rene Magloire,Patrick Pierre louis,Jean Joseph exume,pe Kenel Senantus,Wando Saint-villier ,madam Youdeline Cherizard ak Rubain A.Joseph .leta dwe mete tout mwayen nesese a dispozisyon komisyon an , yon fason pou li kapab akonpli manda li,dapre desizyon sa ki adopte nan konsey minis yo . 3.-Dives sekte nan vi nasyonal la komanse chwazi pesonalite pou ki al reprezante yo nan pwochen konsey elektoral pwovizwa - Met Newton Louis Saint-Juste chwazi kom reprezantan sekte vodou a nan pwochen konsey elektoral pwovizwa . Se konfederasyon nasyonal vodouyizan ayisyen yo (KNVA) ki anonse chwa met Newton Louis saint-Juste kom reprezantan sekte vodou a pou entegrite ak konpetans li,dapre met Alix Compas 4.-Konferans rekte ,prezidan ak dirijan enstitisyon anseyan siperye ayisyen yo ( CORPUHA) chwazi rekte Franck Charles kom reprezantan yo nan pwochen konsey elektoral pwovizwa . Nan yon korespondans ki pote dat 15 jiye ,li voye bay sekrete jeneral prezidans la,CORPUHA anonse apre deliberasyon yo nan asanble jeneral yo, yo deziye rekte Franck Charles pou reprezante koporasyon an nan konsey elektoral pwovizwa . 5.-ministe lakilti di li enkyete anpil swit ak nouvel disparisyon atis MechansT 4 jiye pase a nan peyi bahamas. Minis edikasyon nasyonal la anmenm tan minis kilti ak kominikasyon ,Antoine Augustin anonse lap rete an kontak ak minis afe etranje ayisyen an ,yon fason pou swiv evolisyon dosye a . Limye dwe fet sou disparisyon Wens Jonathan Desir alyas MechansT ,dapre minis kilti ak kominikasyon an .
