Jiskaprezan, operasyon pou deloje bandi yo poko Kòmanse nan yon seri zòn gang yo pran an otaj

Malgre prezans solda kenyan yo nan peyi a ak rive Normil Rameau nan tèt lapolis la, bandi yo kontinye ap touye polisye ak manm popilasyon an. Jiskaprezan, operasyon pou deloje bandi yo poko Kòmanse nan yon seri zòn yo pran an otaj , sa ki pa kite divès sitwayen radio Caraïbes entèwoje endiferan. Si yon gwoup sitwayen Kwè li enpòtan pou operasyon yo ta kòmanse San pèdi tan, pou popilasyon an kapab reprann lavi nòmal li. Sèten lòt di yo pa espere twòp bagay bokote fòs miltinasyonal la. Yo pran kòm egzanp plizyè fòs ki deja pase nan peyi a , aloske pwoblèm enkirite a pa janm rezoud tout bon vre .