Jounal Kreyòl Premye Okazyon Madi 25 Jen 2024
1.- Prezidan kenyan an, William Ruto, te vizite aye lendi a premye kontenjan 400 polisye ki deja pran avyon pou vini Ayiti nan kad yon misyon entènasyonal pou ede PNH la retabli lapè ak sekirite nan peyi a. Prezidan Ruto, ki te aksepte peyi li pou dirije misyon sa a, te ale nan kanton fòs lapolis elit yo lendi pou yon seremoni ofisyel pou di yo orevwa ak 400 ofisye kap gen pou rive nan peyi a ,nan jou kap vini yo. Prezidan kenya William Ruto deklare kenya pral travay ak kominote entenasyonal la pou pote yon estabilite dirab an ayiti. Prezans polisye nou yo an ayiti pral pote soulajman lakay fanm ,gason ak timoun lavi yo te brize 2.-Kontenjan Kenya konpoze ak ofisye polis elit, sitou nan eskadwon anti-teworis , manm Inite Deplwaman Rapid , inite vòl Anti-stock ak Inite Patwouy Fwontyè kite angaje an patikilye nan batay kont Shebab la nan rejyon fwontyè ak Somali. Misyon sipò sekirite miltinasyonal la pral sipòte polis nasyonal la nan kad operasyon pou demantle rezo gang yo, asire sekirite nan enfrastrikti yo tankou (ayewopò, pò, lekòl, lopital, elatriye) epi pèmèt sivil yo gen aksè ak èd imanitè"yo, dapre sa ki te ekri nan rezolisyon Konsèy Sekirite Nasyonzini an te vote nan dat 2 oktòb 2024 pase a . 3.- Chef gang 400 mawozo a,Germine Joly alyas Yonyon, kondane pou pase 35 lane nan prizon federal ozetazini pou wol li nan yon konplo trafik zam ak blanchiman lajan ranson otaj sitwayen ameriken yo te kidnape ,yon fason pou alimante krim yo. Se pi gwo pen tribunal la bay ak youn nan 4 akize nan kad dosye sa,dapre Miami Herald . Yon gran jiri te enkilpe yo pou vyolasyon lwa ameriken yo sou ekspotasyon ak blanchiman lajan ,ak dives lot krim ,dapre jounal ameriken an. 4.-Konsey prezidansyel tranzisyon an anonse li voye pou yon lot dat aplikasyon nouvo kod penal la ak pwosedi penal . Kod penal sa kite rann ofisyel 11 mas 2020 te dwe ranplase kod penal ki an aplikasyon depi 200 lane .Ranvwa sa pral pemet yon revizyon sou dives atik kite poze pwoblem nan kod pwochen kod penal la . 5.-Pati politik Lòd Demokratik eksprime satisfaksyon li apre desizyon otorite yo pran pou ranvwaye aplikasyon Kòd Penal ak Kòd Pwosedi Penal la ki te pibliye 24 jen 2020 nan jounal ofisyèl peyi a Le Moniteur. Rèsponsab estrikti politik sa a, Jean Renel Sénatus, ki byen wè desizyon sa a, pwofite pou salye tout sektè nan sosyete a ki te mobilize pou mande ranvwa sa a, pandan li kwè yon revizyon nesesè anvan aplikasyon li. Nan sans sa a, ansyen senatè Repiblik la mande pou mete kanpe rapid vit yon komisyon pou revize Kòd Penal ak Kòd Pwosedi Kriminèl la. Prezantasyon : Dieuseul GUERRIER & Johnny FERDINAND Meteyo : Chrisnette SAINT-GEORGES Tansyon Lari : Mackenson RÉMY 4x4 Pwodiksyon : Jean-Claude DOLCÉ kowòdinasyon : Peterson LUXAMA Redaksyon : Dieuseul GUERRIER Reyalizasyon ak Sou Entènèt : Jack thedd Jr Dieudonne & Jimmy Cly Théagène
