Karayib Aktyalite Entènasyonal || Gè Izrayél Amas | Japon | Elizabeth Borne Gabriel Attal | Brezil

Guerre Israél- Hamas: konfli sa Nan band gaza deja gen 4 mwa. Selon yon dènye rapò Hamas mete deyò ayè lendi a, operasyon militè izrayelyen yo lakoz 23mil 84moun mouri. Pifò nan viktim yo se fanm ak timoun daprè rapò a. Se nan kontèks chèf diplomasi amerikèn nan Anthony Blikin ap pouisiv vizit li nan Israél, espesyalman nan Tel Aviv. 2- Japon, bilan gwo tranblemantè ki ravaje peyi sa premye janvye pase a kontinye ap ogmante. Daprè yon dènye dekont ayè lendi a, otorite japonèz yo fè konnen gen omwen 168 moun ki mouri, 565 blese ak 323 lòt disparèt. 3- La frans, prmeye minis Elizabeth Borne prezante demisyon gouvènman l lan yè lendi a bay chèf leta fransè a Emmanuel Macron ki pa lwen pwosede ak yon remaniman ministeryèl . Poko gen anons ofisyèl sou kiyès ki pral ranplase Elizabeth Borne . Men daprè yon sous pwòch laprezidans, se aktyèl minis Edikasyon an Gabriel Attal ki ta dwe vin premye minis aprè demisyon Elizabeth Borne. 4- Ukraine : pou piti 4 moun mouri , yon dizèn lòt blese aprè plizyè frap solda la Risi nan lannuit dimanch pou louvri lendi daprè sa otorite nan peyi ikrèn fè konnen. Frap sa yo te sitou vize plizyè zòn rezidansyèl ak kòmèsyal nan peyi a. 5- 25 moun mouri, 5 lòt sòti blese nan yon aksidan sikilasyon ki fèt nan lannuit dimanch pou louvri lendi nan vil Bayiha nan les Bresil . Aksidan sa rive aprè yon kamyon ki tap transpòte mango rantre an kolizyon ak yon ti bis, daprè laprès peyi Bresil. 6 Nan Almay, plizyè milye agrikiltè manifeste nan plizyè vil peyi a pou pwoteste kont nouvo mezi ekonomik gouvènman Olaf Schol la. Manifestan yo itilize traktè ak plizyè lòt materyèl pou bloke otorput prensipal yo pou bloke sikilasyon an. Mouvman pwotestasyon sa ap rapousuiv pandan tout semèn nan yon fason pou agrikiltè yo fòse gouvènman retounen sou desizyon yo pran pou siprime avantj fiskal yo konn sou gazole la agrikiltè to itilize pou travay.