Ki kote n prale…?
Ki kote n prale ? Ayopò fèmen, inivèsite fèmen, lekòl fèmen, labank fèmen, lopital pa ka akeyi moun ankò moun lavil paka al wè moun andeyò, moun andeyò pè desann lavil men ki kote n prale ? Bandi anvayi tout katye, chak rakwen tounen yon tèren fè nwa yon silans lou desann sou tout avni, ak yon krent ki pèse kè tout fanmi men ki kote n prale? lari Pòtoprens benyen ak mak san men ki kote n prale ? san nan Petyonvil, san nan Dèlma, san nan Akayè san ki koule anba, san ki monte anlè toupatou, nou wè zèl yon lavi ki kase nan yon rèl san bri men ki kote n prale? timoun ki dòmi sou tè frèt, nan lari vid, anba syèl tou nwa fi ki leve ak solèy nan kè, tout bri Pòtoprens se bri laperèz men ki kote n prale ? peyi a kenbe pwòp pitit li nan gagann peyi a met pye sou kou nou peyi ap pete kouri dèyè nou ki kote n prale ? Se pou nou leve tèt, pran men frè nou, sè nou Se pou n rekipere rèv nou, fè van vire nan sans kè nou paske demen se pou lavi, se pou limyè, men ki kote n prale si se pa nan batay pou chanjman ? nou pito ap batay pou enterè pou plen pòch nou li lè li tan pou n gade politisyen isit nan je pou n di yo, nou pap fout al okenn kote sela pou n rete se la pou n viv se la lonbrit nou te koupe se la souf nou ap bat se la lavi bèl pou nou Marc Sony Ricot Dèlma 13 novanm 2024 PS: Tèks sila pibliye nan C3 Hebdo jodi a. ABONNE TOI EN CLIQUANT ICI https://www.youtube.com/channel/UCteSvIb2oubXGlHJTGezlTg?sub_confirmation=1 LIENS https://youtu.be/GUvXYRE-XwE https://youtu.be/ofx_cnD47Vc https://youtu.be/rJewtwp3Owg RESEAUX SOCIAUX https://www.facebook.com/tele20 https://www.instagram.com/tele20/ https://twitter.com/tele20 #haitilivenews #haitinewsnow #gangwar #conseilpresidentiel #vivansanm #solino #babekyou #jimmycherizier #pnh #tele20 #lenouvelliste
