Kolektif 4Desanm nan deklare fòs lame a pa la pou sekirize yon moun an patikilye, men pito Nasyon an

Sou kesyon sòlda Lame a ki detache ak Premye minis Ariel Henry epi manb gouvènman li an, kòdonatè jeneral Kolektif 4 Desanm nan deklare fòs lame a pa la pou sekirize yon moun an patikilye, men pito Nasyon an ak pep ayisyen an an jeneral. Pou Jean Robert Argant, desizyon sa dirijan an plas yo pran an se yon derèspektan. Kolektif 4 Desanm, yon lòt fwa, atire atansyon tout moun sou tantasyon oswa volonte pou mete sou kote Lame Dayiti nan batay kont fenomèn ensekirite a k’ap depafini net ak peyi a depi yon bout tan. Leta dwe bay sipò ki nesesè pou bonjan fonksyònman enstitisyon sa a ki se Fòs Lame Dayiti, daprè responsab òganizasyon sosyete sivil la.