Quiboloy, pinayagang mag-medical furlough

Kinumpirma ng Philippine National Police na binigyan ng "medical furlough" ang Kingdom of Jesus Christ leader na si Pastor Apollo Quiboloy dahil sa 'irregular heartbeat'. Ayon sa PNP, nakaranas ng chest discomfort o paninikip ng dibdib ang pastor noong November 7. Agad na sumailalim sa medical examination sa PNP General Hospital si Quiboloy at pumayag ang korte sa Pasig City na dalhin siya sa Philippine Heart Center noong November 8. Pinayagan din ng korte ang hiling ng kampo ni Quiboloy na i-extend ang kaniyang medical furlough hanggang November 16 para kumpletuhin ang kaniyang medical examinations. Nauna nang hiniling ng kampo ni Quiboloy na isailalim siya sa hospital o house arrest dahil sa pre-existing medical condition pero hindi noon pumayag ang korte. Nasa custody ng PNP si Quiboloy, na nahaharap sa mga reklamong sexual abuse at human trafficking.