"Жайдарман" фестивалі өтті

Облыс әкімінің кубогы үшін жайдарманшылар сайысы өтті. Көңілді тапқырлар алаңында республикаға танымал 13 команда бақ сынап, әзілмен өрілген өнерлерін ортаға салды. Кіл жүйріктің ішінде кім жүйрік атанғанын әріптесім Елдос Асан айтып берсін «Жайдарман» ойыны бүгінде жастардың сүйіп көретін жобаларының бірі. Сырдағы дүбірлі додаға Астана, Алматы, Шымкент, Түркістан, Орал қалалары мен Маңғыстау облысынан тәжірибелі командалар келді. Олардың қатарында Өзбекстан республикасы Қарақалпақстаннан келген жайдарманшылар да бар. Ал, облыс әкімінің кубогы сарапқа салынған сайысты Есен Елеукен жүргізді. Жалынды жастардың басын қосатын жоба жергілікті жерде жиі ұйымтастырылып тұрса, дейді ол. ЕСЕН ЕЛЕУКЕН – «ҚАЗАҚСТАН КВН ОДАҒЫ» РЕСПУБЛИКАЛЫҚ ЖАСТАР ҚОҒАМДЫҚ БІРЛЕСТІГІНІҢ ПРЕЗИДЕНТІ // Кезінде Сыр елі деген орталық лига болған. Бұл жерде бірінші лига да болған. Тархиы мол. Енді, ең бастысы осы жерде өзіндік жайдарманды сүйіп қарайтын көрермені бар. Сол қуантады. Енді бұл бастамасы деп ойлаймын. Биылғы жылы бұдан да жақсы ойындар тағыда ұйымдастырылса екен дейміз. Жалпы жайдарман ойындары араға біраз үзіліс салып өткендіктен көпшіліктік қолдауы мен ықыласы да ерекше болды. Әзілкештер астарлы әзіл мен мағыналы мәтіндерін қимылға қосып, көрерменге көтеріңкі көңіл-күй сыйлауға тырысты. Бұл кеште қоғамның көлеңкелі тұстары мен жақсылықтары да жарыса айтылып, көпке ой салуға тырысты. Бұл кеште жеңімпаздар мен жүлдегерлерді анықтау қазылар алқасына оңайға соқпады. Дегенмен, өткір әзілімен көрерменді күлкіге қарық қылған Аcтана қаласынан келген «Краш» командасы облыс әкімінің Кубогы мен 1 млн.теңгенің сертификатын жеңіп алды. Ал алматылық Алатау сю жайдарманшылары екінші орын мен 500 мың теңгенің сыйақысын иемденді. Қызылорда облысының «Ассамблея жастары» құрамасы жүлделі үшінші орынға лайық деп танылды. Сондай-ақ, ерекше өнерімен көрермен көзайымына айналған «⁠Алатау SU» командасының мүшесі «Үздік ойыншы» номинациясымен марапатталды. жайдарман ойыны облыста тұрақты түрде жалғасын тапса дейді қалың көрерермен. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/