RNDDH prezante bilan 2023 li sou sitiyasyon Dwamoun an Ayiti nan kad aktivite “Vandredi BAI”

Rezo Nasyonal k’ap Defann Dwamoun (RNDDH) prezante bilan 2023 li sou sitiyasyon Dwamoun an Ayiti nan kad aktivite “Vandredi-BAI” Biwo Avoka Entènasyonal yo òganize vandredi 12 janvye a anba tèm: “Bilan sitiyasyon Dwamoun an 2023 an Ayiti ak pèspektiv pou 2024.” Nan bilan sa, RNDDH fè konnen 2023 a se yon lane “katastwòf” nan sa ki gen pou wè ak reyalizasyon epi respè dwamoun an jeneral nan peyi a. Plizye milye moun mouri asasine, san konte plizyè dizèn polisye; yon dizèn masak pou pi piti ak yon mwayèn 5 rive 9 ka kodnapping. Mete sou sa, plizyè milye fanm ak tifi viktim vyolans tout kalte ak vyòl kolektif.