UNIR mande premye minis Ariel Henry pou demisyone nan tèt Leta a 7 fevriye k’ap vin la a

Inyon Nasyonal pou Entegrite ak Rekonsilyasyon (UNIR) mande premye minis Ariel Henry pou demisyone nan tèt Leta a 7 fevriye k’ap vin la a, swivan akò 21 desanm nan pou pèmèt diferan pati politik yo jwenn yon solisyon enstitisyonèl sou kriz peyi a ap fas yo. Kòdonatè pati politik UNIR lan, Clarens Renois, presize ak Ariel Henry sou pouvwa peyi a pèdi anviwon 30 mwa san regle anyen. Okontrè, daprè lidè politik la, Ayiti konnen yon sitiyasyon sekiritè, sosyal, ekonomik ki vin pi malouk. Dirijan pati politik la ki kwè tout sitwayen gen dwa pou manifeste nan lapè, raple 7 fevriye a se yon dat senbolik nan istwa peyi Dayiti.