Агро сала ардагерлеріне құрмет
Агро саланы түлеткен ардагерлерге құрмет. Облыс әкімі Нұрлыбек Нәлібаев ауыл шаруашылығы ғылымдарының докторы, академик Құрманбек Бәкірұлы мен сала үздігі Керімхан Егізбаевты мерейтойымен құттықтады. Құрманбек Бәкірұлы Сыр жұртшылығына етене таныс маман. Зерделі ғалым асыраушы саланы алға жылжытып, кеңестік кезеңнен бастап тындырымды тірлік етті. Бәкірұлының басқа еңбегін былай қойғанда, Сыр бренді - «Ақ маржан» мен «Ару» сортын өндіріске енгізгені алты атанға жүк. Белгілі селекционер мұнан бөлек 160-тан астам ғылыми еңбектің авторы. Жарты ғасырдан астам ізденістің ізінде жүрген ғалым биыл 80 жасқа толып отыр. Осыған орай аймақ басшысы айрықша құрмет көрсетіп, облыстың құрмет грамотасын табыстады. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
