Алматыда 155 кітаптың тұсаукесері өтті

Алматыда «Абай» баспасынан шыққан 155 кітаптың тұсаукесері өтті. Олардың арасында қазақ әдебиетінің алыптары Абай Құнанбайұлы, Дулат Бабатайұлы, Мәшһүр Жүсіп Көпейұлы және Мұхтар Әуезов сынды ақын-жазушылардың еңбектері бар. Сондай-ақ бүгінгі күн қаламгерлерінің де шығармалары жарық көрді. Жиында Bookstagram мобильді қосымшасы да таныстырылды. Ол әртүрлі жанрдағы шығармаларды онлайн оқуға мүмкіндік береді. Болашақта өзге тілдердегі әдебиетпен де толықтырылады екен. Қосымша авторлар, баспалар мен оқырманды бір арнаға тоғыстырады. Сонымен қатар авторлық құқыққа қорған болмақ. Жазушылар баспаның атқарған жұмысы мен бастамасын жоғары бағалап отыр. Айта кетейік, баспа былтыр 35 кітап шығарған. #Жаңалықтар #Новости #24KZ #хабар24