Аралда салт аттылар шеруі өтті
Арал ауданында мемлекеттік рәміздер күніне орай авто және салт аттылар шеруі өтті. Халқымыздың мұқалмас рухын, қаһармандылығы мен даналығын, асқақ арман-тілегін жеткізетін құнды белгілерді құрметпен ұлықтау - қасиетті парызымыз деп білген аудан тұрғындары шараға белсене атсалысты. Мемлекеттік рәміздер - елдіктің, ерліктің темірқазығы. Оны қастерлеу әрбір азаматтың абыройлы борышы. АМАНЖОЛ ОҢҒАРБАЕВ – АУДАН ӘКІМІ //Біздің тағылымды тарихымызды сыр шертер мазмұны терең нышандар кешегі өткенімізді айшықтап, ертеңгі мақсатымызды да айқындап тұр. Қасиетті нышандарымыз арқылы ұлтымыздың әлем алдындағы бейнесі қалыптасты. Сондықтан әрбір Қазақстан азаматы үшін мемлекеттік рәміздер қастерлі. Бұл күндері өзге алпауыт мемлекеттермен иық тіресіп, талай елдің төрінде әнұранымыз шырқалып, көк туымыз желбіреген Қазақстанды төрткүл дүние танып, мойындады десек артық айтқандық емес. Тәуелсіздік төлбелгісіне айналған рәміздерімізді құрметтеу, мақтан тұту әрбір қазақстандық үшін қасиетті борыш.// Мемлекеттік рәміздерге деген құрмет – елге, жерге, Отанға деген құрмет. Әсіресе, байрақты жарыстарда еліміздің көк туын желбіретіп, спорт саласының дамуына үлес қосу үлкен мәртебе, дейді аралас жекпе-жектен Әлем чемпионы Бақытжан Серікбай. БАҚЫТЖАН СЕРІКБАЙ – ЖАСӨСПІРІМДЕР АРАСЫНДА АРАЛАС ЖЕКПЕ-ЖЕКТЕН ӘЛЕМ ЧЕМПИОНЫ // Мен спортпен 2 сыныбымнан бастап айналысып келе жатырмын. Соның ішінде азия және әлем чемпионы болдым. Жақында Ақтөбе облысында өткен кикбокстан өткен жарыста жүлделі бірінші орынды жеңіп алдым. Енді Венгрия қаласында өтетін әлем чемпионатына қызу дайындық керек. Үмітті ақтаймын деген сенімдемін. Бұйырса көк туымызды көкте желбіретеміз деген ойдамыз.// Салтанатты жиында бейбіт күннің батырлары да марапатталды. Одан соң мемлекеттік қызметкерлердің ант қабылдау рәсімі өтті. НҰРБЕК ТӘУКЕЕВ – АУДАНДЫҚ ҚОҒАМДЫҚ ДАМУ БӨЛІМІНІҢ БАС МАМАНЫ //Міне, мерекелік шарада мемлекеттік қызметші қатарында болып салтанатты түрде ант қабылдадым. Жаңа мемлекеттік қызмет қатарына қабылданған әріптестеріме тек алға қойған мақсаттарыңызға жету үшін аянбай еңбек етулеріңіз керек екендігін айта келе жұмыстарына сәттілік тілеймін.// Көпшілікке патриоттық сезім сыйлаған және бір іс- шара – салтаттылар мен теміртұлпар тізгіндегендердің шеруі. Көк туымызды биікке желбіретіп, орталық көшелерді жүріп өткен шеру әр адамның рухын көтерді. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
