Асылдың сынығы, тектінің тұяғы еді
Сыр елінде ұлттық өнердің шоқтығы қашанда биік. Әсіресе, бабадан балаға мирас болған жыраулық өнердің орны бөлек. Соның ішінде атақты Жиенбай жыр мектебінің өкілі Арнұр Көшеней туралы тереңнен толғауға болады. Текті сөзді төрге оздырған жырау қамшының сабындай қысқа ғұмырында ұлт руханиятының дамуына өлшеусіз үлес қосты. Арнұр тектінің тұяғы, асылдың сынығы болатын. Арғы атасы Дүзбенбет, Жиенбай, өз атасы Рүстембек, әкесі Көшеней баба мұрасын насихаттап, текті өнердің туын жықпаған атақты жыраулар. Өкініштісі, күміс көмей Көшеней жалғанның жарығын¬да жиырма жеті-ақ жыл ғұмыр кешті. Небәрі 10 айында әкеден айырылған Арнұр Көшенейдің көшін жалғап, жыраулық дәстүрді дәріптеді. Жыр, терме, қисса, дастандарды жаттап, үлкендердің батасын алды. Үлкен сахналарда өнер көрсетіп, өзіндік мақамы, ерекше дауыс ырғағымен тыңдарманның құлақ құрышын қандырды. МАРАТ СҮГІРБАЙ – ЖЫРШЫ Репертуарындағы бір ерекшелік, Көшеней туралы жазылған естеліктерді, арнау жырлар Арнұр ағамыздың жыр қорында болды және әкенің абыройын асқақтатты. Көшенейдің күміс үнін Арнұр бүгінге жеткізді. ... Тілші: Арнұр Көшеней көзі тірісінде Қармақшы ауданындағы Көшеней Рүстембеков атындағы жыраулар үйінің, облыстық филармонияның және Шәмшат Төлепова атындағы мәдениет үйінің директоры қызметтерін абыроймен атқарды. Шәкірт тәрбиелеп, жас жыршы-термешілердің шоғырын қалыптастырды. Ұлт руханиятының дамуына сүбелі үлес қосты. ӘДІЛХАН ҚУАҢБАЕВ – ЖЫРШЫ Жыраулықты паш еткен Жиенбайды, білмейтін қазақ жоқ еді заманында. Орманшысы Рүстембектің топқа қосып, Үш жүздің таңқалдырған адамында... Арнұрдың шығармашылығы бір бөлек, ол аңқылдаған ашық мінезімен, досқа деген адалдығымен, бауырға деген қамқорлығымен, баладай көңілімен дараланды. АҚМАРАЛ НОҒАЙБАЕВА – ЖЫРШЫ Біз Арнұрмен бір топта, бір ұстаздан дәріс алдық. Арнұр өте көңілді, досқа адал, ақжүрек жігіт болды. Қамшының сабындай қысқа ғұмырында ешқандай жаман мінезін көрмеппіз... Иә, оның ерекше болмысы, ел дегенде елпілдеп тұратын өзгеге ұқсамайтын даралығы, биік ой-танымы, адамгершілігі, қарапайымдылығы Сыр жұртшылығының жадында мәңгілік сақталады. Сайт - https://qyzylordatv.kz/ru/live Facebook - https://www.facebook.com/qyzylordatv/ VK - https://vk.com/qyzylordatv Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
