Аудандағы маңдайалды емдеу орны
Былтыр өңірде бірқатар денсаулық сақтау нысаны жаңа медициналық құрылғылармен жабдықталды. Солардың ішінде Қазалы ауданындағы теміржол ауруханасы бұрын-соңды болмаған озық технологияларға қол жеткізіп отыр. Енді ауыл тұрғындары ем іздеп, өзге қалаларға сабылмайды. Емдеу мекемесіндегі жаңашылдық турасында келесі бейнематериалымызда. Жалғасбек Дүзелбаев темір жол саласының ардагері. 40 жыл қатарынан шойын жол бойында еңбек еткен ол соңғы жылдары денсаулығым жиі сыр беріп жүр, дейді. Қан қысымы құбылмалы. Көру қабілеті де едәуір нашарлапты. Зейнеткер облыс орталығына сабылмай Қазалыда тексерілуді жөн көрген. Себебі, мұндағы медициналық құрылғылар басқадан кем соқпайды. Тіпті ауру белгілерін терең талдауға мүмкіндік бар екен. ЖАЛҒАСБЕК ДҮЗЕЛБАЕВ – АУДАН ТҰРҒЫНЫ /Осы жерден 370 шақырым, барып-қайтуың бар, халықтың кейбірінің қалтасы көтереді, кейбірінің қалтасы көтермейді. Әрі-бері жүру, осы заманда адамға өте қиын/ Қазалылықтар сапалы компьютерлік тамографияға түсу үшін Қызылордаға немесе Астана, Алматы қалаларына арнайы баратын. Енді шетін мәселе шешім тапты. Ең бастысы – қатерлі ісікті бастапқы сатысында анықтауға мүмкіндік туып отыр. ҒАЛЫМЖАН ТӘЖІБАЕВ – БӨЛІМ МЕҢГЕРУШІСІ /Мерзімі өте тез. Бас миын тексеруге 7 секунд кетеді, кеуде мүшелерін, ішкі ағзаларды тексеруге 17 секунд кетеді. Барлығын бір минуттың ішінде адамның бүкіл ішкі ағзаларын тексеруге тез анықтауға/ АЙГҮЛ ҚҰЛМАҒАМБЕТОВА – БАС ДӘРІГЕР /Антибиотиктерге сезімталдықты анықтайтын аппарат келді. Ол 23 антибиотиктің сезімталдығын анықтап беретін аппарат. Антибиотиктерді тағайындаған кезде мысалы қайсысы әсер етпей тұратын болса, басқа дәріге алмастыру үшін қолданылады/ Мемлекеттің басты байлығы - адам. Бұл тайға таңба басқандай ата заңмен бегітілген. Сондықтан денсаулық сақтау саласындағы жаңашылдықтар талай жанның үмітін үкілеп отыр. Айта кетейік, өткен жылы өңірде 16 медициналық нысан қолданысқа берілді. Енді биыл 11 елді мекеннің дәрігерлік-амбулаториясы жаңадан салынып, ауылдағы ағайынның арманы орындалмақ. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
