БАЛАЛАРҒА МЕРЕКЕЛІК СЫЙ
Нартай Бекежанов атындағы қазақ академиялық музыкалық драма театры Жаңа жыл қарсаңында кішкентай көрермендерге ерекше тарту жасады. Театр сахнасында балаларға арналған «Арыстан патша» спектаклі қойылды. Қойылымнан соң ертегі кейіпкерлерінің қатысуымен қызықты жаңа жылдық ертеңгілік ұйымдастырылып, балалар мерекелік кештің шырайын аша түсті. «Арыстан патша» қойылымы – Уолт Дисней студиясының танымал анимациялық фильмі негізінде сахналанған туынды. Әп-сәтте кішкентай көрермендер африкалық саваннаның жарқын көріністері, әсерлі музыка мен ерекше костюмдер арқылы ертегі әлеміне сүңгіді. Әсіресе, актерлердің шеберлігі мен қойылымның қызықты атмосферасы балалар мен олардың ата-аналарын да баурап алды. САНАТ ЖҮЗБАЙ – АКТЕР Жаңа жыл қарсаңында балаларды қуантайын дедік, әлеуметтік желілерде де ата-аналар сұраныс білдірді. Сондықтан «Арыстан патша» ертегісін қойып жатырмыз. Бір апта бойы қоятын боламыз, күніне екі сеанспен. Бір сеансқа шамамен 300-ге жуық бала қатысып отыр. Қойылымнан кейін балаларды ертегі кейіпкерлері шырша жанында қарсы алды. Аяз ата мен Ақшақар балалармен бірге Жылан жылын қарсы алды. АЙГҮЛ ҚИЯҚОВА – АКТРИСА Келіп жеткен Жаңа жылымыз құтты болсын. Балалардың көңілін көтеру үшін әртүрлі кейіпкерлердің киіміні киіп, балаларға тақпақ айтқызып, билетіп, ән айтқызып жатырмыз. Ата-аналар балаларына қуаныш сыйлаған театр ұжымына алғысын жеткізді. МАРЖАН НҰРЛАНҚЫЗЫ – ҚАЛА ТҰРҒЫНЫ Жаңа жылдық кешке балаларымды алып келген болатынмын. Күшті спектакль де, жаңа жылдық шырша да ойдағыдай өтті. Балаларым қуанып мәз болды. Балаларым қуанса менде қуанамын. Барлық жарық жанғанда күшті болушы еді. Жолбарыс күшті болды. Бірақ сәл қорықтым. Арыстан патша қойлымы бізге ұнады. Арыстан патша өзінен әлсіздерге көмектеседі. Меркелік кеш те жақсы өтті. Мерекелік шара соңында балаларға жаңа жылдық сыйлықтар таратылды. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylorda_tv Tiktok -https://www.tiktok.com/@qyzylorda_tv/
