Волейболдан ерлердің ұлттық лига командалары сынға түседі #sports

Павлодар қаласында волейболдан ерлердің ұлттық лига командалары арасында Қазақстан чемпионатының ойындары басталады. Бүгін және ертең бірінші турға кіретін матчтар мәреге жетеді. Одан кейін екінші тур бәсекелері басталады. Атырау қаласында өткен бірінші турдан кейін алты матчтың бесеуінде жеңіске жеткен Талдықорғанның «Жетісу» клубы 15 ұпаймен көш бастап келеді. Оралдың «Жайығы» 13 ұпаймен екінші орында тұрса, ел чемпионы «Тараз» 13 ұпаймен үшінші, биылғы кубок және суперкубок иегері «Ақтөбе» 11 ұпаймен төртінші сатыға жайғасқан. Көкшетаудың «Ұшқын-Көкшетау» командасы ғана әлі бірде-бір жеңіске жеткен жоқ. 19 желтоқсан күні «Ақтөбе» - Солтүстік Қазақстанның «Есілі», Жайық» - «Атырау», «Жетісу» - Алматының «Буревестнигі», «Павлодар» - «Тараз» командалары өзара сынға түседі. Сайт - https://kokshetv.kz Instagram - https://www.instagram.com/kokshe.tv/ Facebook - https://www.facebook.com/kokshetv/ Twitter - https://twitter.com/Kokshe_TV Tik Tok - https://tiktok.com/@kokshe.tv Qazaqstan TV мобильді қосымшаны жүктеп алыңыз: https://qazaqstan.tv/app BirgeTV: http://qazaqstan.tv/birgetv