Жаңару мен жаңғырудың бастауы - әз-Наурыз
Елімізде наурыздың 14-і мен 23-і аралығында халықтық мерекені тойлауға арналған Наурызнама онкүндігі бекітілді. Осыған орай облыста күн сайын ұлттық салт-дәстүрлерді дәріптейтін 700-ге жуық мәдени көпшілік шара ұйымдастырылады. Тілшіміз Елдос Асан тақырыпты тарқатады. Наурызнама онкүндігі бүгін – Амал мерекесінен басталды. Облыстағы ерікті жастар қарттар үйіндегі ардагерлерге арнайы сәлем беріп, құрмет көрсетті. Сондай-ақ, аудандар мен қалада театрландырылған қойылымдар мен концерттер ұйымдастырылып жатыр. Айта кетейік, жаңарған, жаңғырған Әз-Наурыздың біріңғай логотипі де бекітілді. Бұдан былай үш қызғалдақ ұлыстың ұлы күнінің жарқын символы саналады. АЛМАСБЕК ЕСМАХАНОВ – ОБЛЫСТЫҚ ҚОҒАМДЫҚ ДАМУ БАСҚАРМАСЫНЫҢ БАСШЫСЫ //Жаңа үлгідегі Наурыз мерекесінің логотипі мерекелік шараларда, жарнамалық құрылғыларда, тақырыптық баннерлер мен билбордтарда және БАҚ-тарда, әлеуметтік желілерде кеңінен қолданылатын болады. Наурыздың біріңғай логатипінде үш қызғалдақ, яғни Қазақстанның өткенін, бүгінін, және болашағын бейнелейді. Бұл қазіргі Қазақстан қоғамы үшін өте өзекті. Логотипте қолданылатын түстер мен реңктер ұлы даланың байлығын, оның алуан түрлілігін, ырысы мен берекесін, халқымыздың күш-қуатын, ұлттың болашақ өзгерістерге деген оптимистік көзқарасын білдіреді. Мерекелік онкүндік қайырылымдық, Мәдениет және ұлттық салт-дәстүр, Шаңырақ, Ұлттық киім, Жаңару, Ұлттық спорт, Ынтымақ, Жыл басы, Тазару күні болып белігенген. Әсіресе, қайырымдылыққа басымдық беріледі. АЛМАСБЕК ЕСМАХАНОВ – ОБЛЫСТЫҚ ҚОҒАМДЫҚ ДАМУ БАСҚАРМАСЫНЫҢ БАСШЫСЫ //Президенттің атынан 15-ші наурыз күні арнайы ауызашар беріледі. Бұған қоса «Шарапатты рамазан» атты ауызашар қоржынын тарату шарасы үйлестірілмек. Сондай-ақ, аймақта әлеуметтік аз қамтылған 2300 отбасына отбасы қайырылымдық көмек берілетін болады. Қазақстан халқына қоры арқылы 15-ші наурызда 5 мектепте 1200 балаға жазғы демалысқа арнайы жолдама берілетін болады. МИРА ҚАЗБЕКОВА – ОБЛЫСТЫҚ МӘДЕНИЕТ, АРХИВТЕР ЖӘНЕ ҚҰЖАТТАМА БАСҚАРМАСЫНЫҢ БАСШЫСЫ // Облыс мәдениет үйлері мен клубтарда театрландырылған қойылым-концерттер, ұлттык салт-дәстүр, әдет-ғұрыптарды насихаттайтын фестивальдер, өнер және отбасылық байкаулар, мәдени-бұқаралык шаралар, мерекелік концерттер өткізіледі. Облыс кітапханалары мен музейлерде ашық есік күндері, тақырыптық көрмелер ұйымдастырылып, музейге келушілер этнографиялық залдарда салт-дәстүрлерімізбен танысуға мүмкіндік алады. Музейлер 16 және 22 наурыз күндері тегін қызмет көрсетеді. Ал 21 наурыз күні облыс орталығында эстрада әншілері мен жергілікті өнерпаздардың қатысуымен гала концерт өтеді. Сондай-ақ, дәл осы күні қалаға қарасты 2 кент пен 7 ауылдық округтің орталығында Наурыз тойланады. Әз-Наурыздың негізгі мерекелік шарасы 22 наурыз күні облыс орталығында 6 жерде ұйымдастырылады. Ерекшелігі сол, ұлыстың ұлы күнін тойлау азаннан кешке дейін ұласатын болады. ЖАҒЫПАР ТАЖМАХАНОВ – ҚАЛАЛЫҚ МӘДЕНИЕТ ЖӘНЕ СПОРТ БӨЛІМІНІҢ БАСШЫСЫ //22 күні Тараз көшесінде өтетін негізгі Наурыз мерекесінде 20-ға жуық киіз үй тігіледі. Бұлардың ішінде // руханият ауылы, ұстаздар ауылы, ақындар ауылы, ғалымдар ауылы, денсаулық ауылы, ынтымақ ауылы, арадгерлер ауылы, мұнайшылар ауылы, еңбекшілер ауылы, кәсіпкерлер ауылы, құырлысшыларауылы, қаржыгерлер, береке ауылы секілді атаулары мен әр киіз үйде қазақтың салт-дәстүрлері, әдет-ғұрыптарымыз сахналанатын болады. 22 күні азанда сағат 10 да негізгі шара басталады. Және бұл концерттік бағдарламамыз сол күні кешке дейін жалғасады. Ал, 23 күні - Тазару мерекесінде облыстың барлық аудан, ауыл, қалаларында сенбілік болады. Ағаштар отырғызылып, тазарту жұмыстары жүргізіледі. Сайт - https://qyzylordatv.kz/ru/live Facebook - https://www.facebook.com/qyzylordatv/ VK - https://vk.com/qyzylordatv Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
