Зертханалық кешен ашылды
Облыс орталығында соңғы үлгідегі медициналық құрылғылармен жабдықталған зертханалық кешен ашылды. «Олимп» клиникалық-диагностикалық орталығында барлық талдамалар автоматтандырылған жүйе арқылы жылдам жасалады. «Олимп» клиникалық-диагностикалық орталығы жеке инвестор қаржысына салынған. Жобаның жалпы құны бір жарым миллиард теңгеден асады. Жаңа лабораториялық кешенде биохимиялық, иммунологиялық, гематологиялық күрделі зерттеулер автоматты анализатор арқылы жүргізіледі. Яғни, соңғы үлгідегі құрылғылармен талдаулар нәтижесін жылдам әрі нақты анықтауға мүмкіндік мол. АЙДОС МАХАНАЛИЕВ – «ОЛИМП» КДЗ ФИЛИАЛ ДИРЕКТОРЫ Техникалардың барлығы швейцариялық «Рош» сияқты әлемдік деңгейдегі ең үздік өндірушілер. Қазір филиалымызда 80-нен аса қызметкер бар, 19 қан алу пунктері облыс төңірегінде қызмет етуде. Облыс тұрғындарының барлығы басқа қалаларға, өңірлерге бармай-ақ осы жерден тапсырып, қажетті нәтижені алуға болады... Осыған дейін талдау нәтижесі Алматы қаласындағы зертханалық кешенде анықталатын. Енді барлық жұмыс осы орталықта жүргізіледі. Шыны керек, қатерлі дерттің белгісін ерте сатысында табу – ат басындай алтыннан артық. Сондықтан, бұл кешеннің өңірде ашылуы талай жанға дер кезінде көмек қолын созуға мүмкіндік береді, дейді мамандар. ЖАННА СЫБАЕВА – ОБЛЫСТЫҚ ГЕМОДИАЛИЗ ОРТАЛЫҒЫНЫҢ МЕҢГЕРУШІСІ /Біздің науқастарға талап бойынша алынатын бүкіл анализдер осы олимпте қамтылған. Әр анализ нақтылы сол күнінде түседі. Біз бұл зертхананың жұмысына қанағаттанамыз. Өзіміздің өңірде осындай клиниканың ашылғанына қуаныштымыз. Сәттілік тілейміз. Құрылғыларына өте жақсы баға беремін. Көпсалалы зертханалық кешеннің жалпы аумағы 1600 шаршы метр. Алдағы уақытта орталықтың аясы әлде де кеңейе түспек. Енді мұндағы мамандар өңірдегі барлық емдеу мекемелерімен әріптестік байланыс орнатып, сапалы қызмет көрсетуді көздеп отыр. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
