КАНВОН-2024: ХОККЕЙШІЛЕРІМІЗ ҚОЛА ЖҮЛДЕГЕ ИЕ БОЛДЫ

Спорт әлемінен ақпар. Оңтүстік Кореяда өтіп жатқан IV қысқы жасөспірімдер Олимпиадасында қола жүлде қоржынға түсті. Қазақстандық хоккейшілер 3-орынға таласып, Аустриядан 6:5 есебімен басым түсті. Дегенмен, Қазақстан құрамасы жалпы медальдар кестесінде 16-орынға сырғыды. Әзірге ел құрамасының қоржынында 1 алтын, 2 қола медаль бар. Ал жалпы медальдар кестесінде Италия құрамасы ешкімге дес берер емес. Олардың қоржынында 9 алтын, 2 күміс, 2 қола медаль бар. Екінші орында келе жатқан Франция құрамасының еншісінде 6 алтын, 3 күміс, 2 қола медаль болса, үздік үштікті түйіндеп тұрған Германия құрамасының қоржынында 6 алтын, 2 күміс, 3 қола медаль бар. Қазірге дейін Канвон Олимпиадасының медаліне 80 мемлекеттен 30 ел қол жеткізіп үлгерген. Естеріңізге сала кетейік, Олимпиада ойындарының алауы 19 қаңтар күні тұтанды. Қазақстан жасөспірімдер құрамасы сапындағы 41 спортшы 5 спорт түрінен бақ сынап жатыр. Қысқы жасөспірімдер Олимпиадасы 1 ақпан күні мәресіне жетеді. Аталған жарысқа әлемнің 80-ге жуық елінен 1 800 спортшы 7 спорт түрінен 81 медаль жиынтығын сарапқа салуда. Сайт - https://qyzylordatv.kz/ru/live Facebook - https://www.facebook.com/qyzylordatv/ VK - https://vk.com/qyzylordatv Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/