Мерейтой иесіне құрмет көрсетілді
Мемлекет және қоғам қайраткері, Парламент Сенаты жанындағы Сенаторлар кеңесінің мүшесі Бекмырза Еламанов 75 жасқа толды. Облыс әкімі мерейтой иесін қабылдап, құрмет көрсетті. Бекмырза Қайыпұлы саналы ғұмырын Сыр елінің дамуына арнаған атпал азамат. Күрделі кезеңде облыстың бірнеше ауданын басқарып, күрмеулі мәселелерді шешуге атсалысты. Ауыл шаруашылығы басқармасының басшысы және облыс әкімінің орынбасары қызметін атқарған тұста аргарлық саланың жандануына елеулі еңбек сіңірді. Белгілі ғалым, агрономдармен бірлесіп, күріштің «Лидер», «Янтарь» сияқты жаңа сорттарын өндіріске енгізді. Сенат депутаты болған кезде де халықтың әл-ауқатын жақсартуға бағытталған бірқатар бастамаларды көтеріп, игілікті істердің заңнамалық тұрғыда қабылдануына елеулі үлес қосты. Аймақ басшысы елдің жүгін арқалаған қайраткер тұлғаға Сыр елінің атынан алғыс айтып, облыстың ең жоғары наградасы «Құрмет» грамотасын табыстады. НҰРЛЫБЕК НӘЛІБАЕВ, ОБЛЫС ӘКІМІ Сіз Сыр елінің қарышты қадам басуына қомақты үлес қосып, қиын кезеңде елдің жүгін бірге арқалап, игілікті істердің бастамашысы болып құрметті қайраткер атандыңыз. Таяуда ғана өткен мәслихат сессиясында депутаттардың қолдауымен Бекмырза Қайыпұлының ұзақ жылғы қажырлы еңбегі және елдің өркендеуіне, қоғамның жаңғыруына, аймақтың әлеуметтік-экономикалық дамуына қосқан елеулі үлесі үшін «Қызылорда облысының Құрметті азаматы» атағын беру туралы шешім қабылданды Мерекелік басқосуға мемлекет және қоғам қайраткері, Жамбыл облысының әкімі және Қазақстанның Өзбекстан Республикасындағы төтенше және өкілетті елшісі қызметін атқарған Бөрібай Жексенбин, Парламент Сенатының VII шақырылым депутаты, Алматы облысының әкімі болған Аңсар Мұсаханов, Ақмола облысы әкімінің бірінші орынбасары қызметін атқарған Рашид Әкімов секілді белігілі азаматтар қатысып, мерейтой иесін құттықтады. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylorda_tv Tiktok -https://www.tiktok.com/@qyzylorda_tv/
