ОРТАҚШЫЛ АУЫЛЫНДА ҚОС ҚУАНЫШ

Бір күнде қос қуаныш! Шиелі ауданы, Ортақшыл ауылына табиғи газ беріліп, дәрігерлік амбулатория ашылды. Осылайша, елді мекенде жаңа жыл іргелі істермен басталды. Сондай-ақ, аудан орталығында 120 пәтерлік 60 жаңа тұрғын үй ел игілігіне табысталды. Ортақшылда 200-ден аса шаңырақ түтін түтетіп отыр. Ауыл жұрты үшін жаңа жыл жағымды жаңалықтармен бастады. Соның алғашқысы, елді мекен табиғи газға қосылды. НҰРЛЫБЕК НӘЛІБАЕВ – ОБЛЫС ӘКІМІ // Ауыл тұрғындарының көптен күткен арманы еді. Апаларымыз, жеңгелеріміздің қолы ұзаратын болды. Бұрынғыдай жаурап, отын тасымайды. Әр үйге көгілдір отын кіргізілді. Құтты болсын! Бұған дейін ауыл халқы көмірді аудан орталығынан тасымалдаған. Әр үй қыс ауасында кем дегенде 5-6 тонна қатты отын жағады. Енді осы қиындықтың барлығы артта қалып, ел қуанышы еселеніп жатыр. БАЗАРКҮЛ ЕШНИЯЗҚЫЗЫ – АУЫЛ ТҰРҒЫНЫ // ауылдық жер болған соң күл шығарамыз. Отын бұтап әкелеміз. Шелек-шелек көмір әкеліп саламыз. Үй жылы тұрсын деп. Оның бәрі бейнет қой. Ауылымызға газ кіріп, рақаттанып қалдық. Қуанышымызды шек жоқ. Ал осыған дейін ауыл халқына 45 жыл бұрын салынған ғимаратта ем-дом шаралары жүргізілді. Ынтымағын ырысқа айналдырған елді мекенде дәрігерлік амбулатория еңсе тіктеді. Енді 1500-ге жуық тұрғын жайлы жерде ем алады. Мұнда сапалы медициналық қызмет көрсетуге қажетті құрал-жабдықтардың барлығы бар. НҰРШАТ АМАНТАУОВА – ОРТАҚШЫЛ ДӘРІГЕРЛІК АМБУЛАТОРИЯСЫНЫҢ ДӘРІГЕРІ // бізге жаңадан Кольпоскоп аппараттар келді. Көп жерде ондай аппарат жоқ. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylorda_tv Tiktok -https://www.tiktok.com/@qyzylorda_tv/