Пәкістанда лас ауа бір айда 1,8 миллион адамды ауруға шалдықтырды

Пәкістанның Пенджаб провинциясына түскен көк түтін тіпті спутниктік суреттерде байқалады. Ауаның ластану деңгейі өте жоғары. Sky News-дің хабарлауынша, NASA Worldview суреттерінде елдің шығысы улы тұманға оранған, сондай-ақ спутниктік суреттерде көк түтін Үндістан мен Нью-Делидің солтүстік аймақтарына жеткенін де көруге болады. Дүние жүзіндегі ауа сапасын бақылайтын IQAir мәліметі бойынша, 14 миллион тұрғыны бар, Пенджаб провинциясының астанасы – Лахор қаласындағы ауа сапасының индексі 400-ден асты. Мамандардың айтуынша, 300 – ден асқан көрсеткіш өте қауіпті. Қалыпты көрсеткіш 0-ден 50-ге дейін болуы тиіс. Пенджаб провинциясындағы ауаның ластануы бір айда 1,8 миллион адамды ауруға шалдықтырған. Провинциядағы мектептер балалардың денсаулығын сақтау үшін бес күнге жабылды. Айта кетейік, 127 миллион тұрғыны бар Пенджаб өткен айдан бері түтінмен күресіп келеді. Сайт - https://kokshetv.kz Instagram - https://www.instagram.com/kokshe.tv/ Facebook - https://www.facebook.com/kokshetv/ Twitter - https://twitter.com/Kokshe_TV Tik Tok - https://tiktok.com/@kokshe.tv Qazaqstan TV мобильді қосымшаны жүктеп алыңыз: https://qazaqstan.tv/app BirgeTV: http://qazaqstan.tv/birgetv