Су айдындарында тазалық жұмыстары жүргізілді
Арал ауданында «Таза Қазақстан» экологиялық акциясы аясында көлдер жүйесі мен су айдындарының айналасы тазаланды. Қамыстыбас ауылдық округіне қарасты «Аққұмшық» жағажайында тұрмыстық қалдықтар жиналып, шомылу маусымына дайындық жұмыстары жүргізілді. Қамбаш көлі кезінде жабайы жағажай болатын. Соңғы жылдары кәсіпкерлік нысандар салынып, демалушыларға барынша жағдай жасалуда. Көлдің суы шипалы және күре жолдың бойында орналасқан. Мұнда елімізден бөлек шетелдіктер де келіп демалады. Сондықтан ең бірінші тазалықпен қызмет көрсету сапасын жақсарту керек. БЕКТЕМІР ЖҰМАҒҰЛОВ, АУДАН ӘКІМІНІҢ ОРЫНБАСАРЫ Жалпы, тазалық акциясы бірнеше бағытқа бөлінген. «Мөлдір бұлақ» акциясы аясында Арал ауданындағы көлдер жүйесі, барлық су айдындарында осындай тазалық акциялары ұйымдастырылып жатыр. Біз тұрған Қамбаш көлі аудандағы ең ірі көл. Бірінші маусымнан бастап шомылу кезеңі ашылатын болады. Бұлда жан жақтан келуші туристерге дайындық жұмыстары деп есептеймін Жағажайдағы тазалық шарасына Қамтыстыбас ауылдық округіндегі мекеме қызметкерлері мен еріктілер жұмылдырылды. Олар көлдің маңайындағы күл-қоқыстарды жинап, арнайы жүк көлігіне тиеді. Сенбілік жұмыстары Ақшатау көлдер жүйесі мен «Кәрібөгет» көпірінің маңайында жалғасты. Табиғат қорғаушылар су айдындарын тазартып, балықшылардан қалған ау құралдары мен пластамасса ыдыстарды теріп, арнайы орынға апарды. ҰЯЛБЕК АЙМАҒАМБЕТОВ, АРАЛ БАЛЫҚ ИНСПЕКЦИЯСЫНЫҢ БАС МАМАНЫ Қазір енді запреттің келі балық аулауға. Соған байланысты тазалық жұмыстарын жүргізіп, қалдықтарды жинап, өртеп жатырмыз. Бұған дейінде әр айсайын көлдің жиегінде тазалық жұмыстары міндетті түрде жүргізіледі. Желкі аулар өте зиян. Көлде қалғанмен шірімейді. Бұл балыққа зиян Айта кетейік, «Таза Қазақстан» республикалық акциясы 11 мамырға дейін жалғасады. Сыр беткейдегі ауыл тұрғындарымен кездескен аудан әкімі тазалық шарасына біркісідей атсалысып, туған жерді көркейтуге шақырды. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
