Түркістан қаласына ерекше мәртебе беріледі

Түркі әлемінің мәдени астанасы Түркістан қаласына ерекше мәртебе беріледі. Мәжілісте арнайы заң жобасы бірінші оқылымда мақұлданды. Құжат Мемлекет басшысының тапсырмасымен әзірленген. Айта кетерлігі, заң жобасы аясында жергілікті атқарушы билікке 34 құзырет берілетін болады. Бұл қаланың тарихи сәулетін, мәдени мұрасын сақтауға септігін тигізбек. Жобада тарихи ескерткіштерді сақтаудағы Ұлыбритания, Италия, Өзбекстан мен Әзербайжан елдерінің тәжірибесі ескерілген. Бүгінде Түркістанда бизнес нысандарының саны екі есе өскен. Ерекше мәртебе инвестициялық тартымдылығын арттыруға сеп болмақ. #Түркістан #мәртебе #мәжіліс #хабар24