Төрт ауыл табиғи газды тұтынуға көшті

Аймақта төрт ауылға табиғи газ берілді. Соның арқасында 5 мыңнан астам тұрғын алдағы ызғарлы қыста көгілдір отынның игілігін көрмек. Биыл Асқар Тоқмағамбетов пен Сәкен Сейфуллин ауылының тұрғындары көптен күткен көгілдір отынға қол жеткізді. Бұл жобаға мемлекеттен 1 миллиард теңгеден аса қаржы жұмсалған. Шаңырағы шаттыққа толған ауыл жұртын аймақ басшысы құттықтап, көптің қуанышына ортақтасты. АҚЕРКЕ ЖАҚСЫЛЫҚОВА - А.ТОҚМАҒАМБЕТОВ АУЫЛЫНЫҢ ТҰРҒЫНЫ // осы уақытқа дейін отын-көмір пайдаланып келген. Бұрын газ баллон пайдаланылған. Оны аудан орталығынан ауылға жеткізу қарастырылмаған. Оны әркім Қазір енді табиғи газ қосылып, жақсы болып жатыр. Қуанышымыз еселеніп, жатыр. Бүгінде ауданда төрт елдімекен табиғи газға қосылып, тонналап таситын қатты отынның ауыртпалығынан құтылды. Мұнан бөлек, Шаған мен Нағи Ілиясов ауылдарына да газ құбырлары тартылып жатыр. Жалпы осындай игі жобаларды жергілікті әкімдік пен ірі шаруашылықтар бірлесіп жүзеге асыруда. Осылайша, мемлекет бюджетін дайын жобаларға дұрыс бағыттаудың арқасында ауылдарда үлкен іс атқарылды. Сырдария ауданындағы 13 елдімекенге 2027 жылға дейін толықтай табиғи газ жеткізіледі деп күтілуде. Жалпы қазіргі таңда облыс халқының 75 пайызы көгілдір отынның игілігін көріп отыр. Бұл күні Жалағаш ауданындағы Ақсу және Мөрәлі Шәменов ауылының тұрғындары да көгілдір отынды тұтынуға көшті. МЕРУЕРТ МЫРЗАБЕКОВА - АҚСУ АУЫЛЫНЫҢ ТҰРҒЫНЫ // Ауылымызға газ келіп, жақсы болып қалды. Бұрын орнымыздан тұрсақ, үйіміз салқын болатын. Қазір жып-жылы. Бұрын біз көмір жағып, тамақ істейтін едік. Қазір жақсы болып қалды. Үкіметімізге, облыс әкіміне, аудан әкіміне үлкен алғыс айтамыз. Президент ауылды кешенді түрде жетілдіру аса маңызды мәселелердің бірі деген болатын. Осы орайда биыл аудан бюджеті 12 млрд 215 млн теңгеге жетіп, бұл қаржы тұрғындардың өмір сүру сапасын арттыратын жобаларға бағытталуда. НҰРЛЫБЕК НӘЛІБАЕВ – ОБЛЫС ӘКІМІ //Қадірлі жерлестер! Сіздерді бүгінгі қуаныштарыңызбен құттықтауға рұқсет етіңіздер! Көгілдір отын халқымыздың игілігіне қызмет жасасын. Бұл жұмыстарды біз әрі қарай жалғастырамыз. Бұған көп қаражат бөлініп жатыр. Мұнан соң аймақ басшысы ауыл тұрғындарына атқарылған істер, алдағы мақсат-міндеттер туралы айтып, жаңа жобаларға тоқталды. Кездесуге келушілердің ұсыныс-пікірлерін тыңдап, сұрақтарына жауап берді. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/