ҚОС МЕРЕЙТОЙ ИЕСІНЕ ҚҰРМЕТ

Бүгін облыс әкімі Нұрлыбек Нәлібаев қос мерейтойы иесін құттықтады. Педагогика ғылымдарының докторы, балалар ақыны Рахат Наурызбаева мерейлі 80 жасқа толды. Саналы ғұмырының 56 жылын оқу-ағарту саласына арнаған ол ұстаздығын қаламгерлікпен ұштастырған. Ал, Сырдария ауданының құрметті азаматы Жәдігер Орақбаев тәуелсіздіктің алғашқы жылдарында кәсіпкерлік салаға бет бұрған. Еңбек ардагері биыл 75 жасқа толды. Қос мерейтой иесіне аймақ басшысы облыстың Құрмет грамотасын табыстап, ыстық ықыласын білдірді. НҰРЛЫБЕК НӘЛІБАЕВ - ОБЛЫС ӘКІМІ «Бүгін біз қос мерейтой иесінің қуанышына жиналудамыз. Әдебиет пен өнер егіз ұғым десек кез келген кемелденген өркениетті мемлекет өз әдебиетін, мәдениетін, тарихын қастерлеп, оны келер ұрпақтың санасына сіңіруге күш жұмсайды. Әдебиет халықтың мың жылдық асыл мұрасы. Осы әдебиет әлемінде өзінің сырлы жазуымен оқырмандарыдың сүйіктісіне арналған Рахат Наурызбайқызының шоқтығы биік. Жәдігер Орақбайұлы кейінгі жылдары «Жәдігер» шаруақожалығын құрып, төрт-түлік мал шаруашылығы жұмысын жандандыруға атсалысуда. Қүрметті Жәдігер Орақбайұлы сізді ақ пейілді Сыр жұртшылығының атынан 75 жылдық мерейтойыңызбен шын жүректен құттықтаймыз». БИҒАЛИ ҚАЮПОВ – МЕМЛЕКЕТ ЖӘНЕ ҚОҒАМ ҚАЙРАТКЕРІ «Президентіміз сөз келтіргендей кешегімізді бағалап, ардагерлерге құрмет жасап жатқанымыздың өзі қуанышты жағдай. Енді мына екі азамат та Рахат Нұрлыбайқызы да, Жәдігер Орақбайұылы да екеуі де екі саланың енді шыңына жеткен азаматтар. Әрдайым сіздердің облыстың қоғамдық өміріне қатысып жүргендеріңізді байқаймыз. Сондықтан денсаулықтарыңыз жақсы болсын». Сайт - https://qyzylordatv.kz/ru/live Facebook - https://www.facebook.com/qyzylordatv/ VK - https://vk.com/qyzylordatv Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/