ҚЫЗЫЛОРДАДА 504 ОТБАСЫ БАСПАНАЛЫ БОЛДЫ

Тәуелсіздік күні қарсаңында Қызылордада 500-ден астам отбасы жаңа баспанаға ие болды. Қазақстан Республикасы Премьер-министрінің орынбасары Тамара Дүйсенова облысқа жұмыс сапары аясында жаңа пәтерлер кілтін табыстау рәсіміне қатысты. Жеті қабатты 6 үйдің бірінен пәтер алғандардың қатарында 20 жастағы Бекұлан Қартаңбай да бар. Ата-анасынан ерте айырылған жас бұған дейін бірнеше жыл баспана кезегінде тұрған. Сырдария өзенінің сол жағалауынан бой көтерген тұрғын үйлер түрлі әлеуметтік санат бойынша үй кезегінде тұрған азаматтарға иппотекалық бағытта берілді. Ерекшелігі сол, 7 қабатты тұрғын үйлер лифтпен жабдықталып, пәтерлердің аумағы 85 шаршы метрге дейін кеңейе түсті. Жаңа қоныс иелерін вице-премьер Тамара Дүйсенова құттықтады. Аймақ басшысы Нұрлыбек Нәлібаев та тұрғындардың қуанышына ортақтасып, салтанатты шарада құрылыс қарқыны мен саладағы ауқымды жұмыстар туралы айтып берді. Негізі өңірдегі құрылыс қарқынын жаңадан бой көтерген тұрғын үй санынан-ақ аңғаруға болады. Жыл соңына дейін қоныс тойлаушылар қатары толыға түседі. Аймақтың өркендеуіне серпін беретін ауқымды жобалар әлі де жалғасады. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/