Қытай виза талаптарын жеңілдетті

Енді транзиттік визамен кірген шетелдіктер бұрынғыға қарағанда әлдеқайда көбірек жүре алады. Бұған дейін 144 сағатқа ғана рұқсат берілсе, енді ол 240 сағатқа ұзартылды. Сонымен қатар елге кіріп-шығуды оңтайландыру үшін қосымша 21 порт ашылды. Бұл жөнінде Қытайдың ұлттық көші-қон әкімшілігі мәлімдеді. Жаңа саясатқа сәйкес 54 мемлекеттің азаматтары жол-жөнекей 10 күнге дейін бола алады. Оларға 24 провинцияда еркін саяхаттауға рұқсат. Қытай билігі бұған туризмді дамыту мақсатында барып отыр. Айта кету керек, жыл басынан бері көрші мемлекетке 29 млн-нан астам шетелдік турист барған. Оның 17 миллиондайы шекарадан визасыз өткен. Бұл алдыңғы жылмен салыстырғанда 86 пайызға көп. #Қытай #виза #транзиттік #хабар24