ҮСТЕЛ ТЕННИСІНЕН ОБЛЫС ӘКІМІНІҢ КУБОГЫ ӨТТІ
Спорт жаңалықтары. Үстел теннисінен аймақ басшысының кубогы үшін облыстық ашық біріншілік өтті. Оған өңірімізден 150 спортшы қатысып, шеберлік байқасты. Өңірде үстел теннисі қарқынды дамып келеді. Спорттың бұл түрінен жарыстар да жиі ұйымдастырылып жүр. Кіші теннистің қыр-сырын үйреніп жүрген ұл-қыздардың да шеберлігі шыңдалып келеді. Жарыстың ашылу салтанатында сөз алған облыс әкімінің орынбасары Шахмардан Байманов аймақта үстел теннисінің даму динамикасына тоқталып, қатысушыларға сәттілік тіледі. ШАХМАРДАН БАЙМАНОВ – ОБЛЫС ӘКІМІНІҢ ОРЫНБАСАРЫ Аймақта үстел теннисі қарқынды дамып келеді. Заманауи үлгідегі орталық ел игілігіне табысталды. Жарысқа қатысушыларға сәттілік тілеймін. АБЗАЛ ЕРӘЛИЕВ – ОБЛЫСТЫҚ ҮСТЕЛ ТЕННИСІ ФЕДЕРАЦИЯСЫНЫҢ ПРЕЗИДЕНТІ, ҚАЗАҚСТАННЫҢ ЕҢБЕК ЕРІ Соңғы бір, екі жылдың көлемінде үстел теннисін дамыту қарқынды жүріп жатыр. Үстел теннисі федерациясы жұмысының арқасында аудандардың барлығында штаттар ашылды. Жаттықтыру өткізетін ғимараттарды ашып жатырмыз, столдарын алып бер жатырмыз. Үлкен жарыстарды көптеп ұйымдастырамыз деп жоспарлап отырмыз. Клуб ашқымыз келіп жатыр. Мақсат жастарды спортқа көптеп тарту, осы жұмыстарды әрмен қарай жалғастырамыз. Ерекшелігі сол, осымен екінші рет жалауын желбіреткен облыстық ашық біріншілік биыл басқаша форматта өрбіді. Былтырғыға қарағанда қатысушылар саны едәуір көбейіп, ойыншылар 3 лигаға бөлініп өнер көрсетті. Әуелі, іріктеу кезеңінде мықтылар анықталса, көрерменнің делебесін қоздырған ақтық ойындарда нағыз шеберлердің бәсекесі болды. БОЛАТ БАКУОВ – ЖАРЫСТЫҢ БАС ТӨРЕШІСІ Спортшылар 3 лигаға бөлініп жатыр. Бірінші лига облыстағы ең жақсы ойнайтында, сырт облыстарға жарысқа қатысып жүргендер. Екінші лига осы облыстың төңірегінде ойнап жүргендер. Үшінші лига, қыздар, облыста 30-ға жуық қыздар бар, солар қатысып жатыр. Осы іс-шараны кең көлемде республикалық дәрежеге жеткізсек ба деп отырмыз. Жарыс қорытындысы бойынша әр лиганың жеңімпазы мен жүлдегерлеріне арнайы диплом және қаржылай сыйақы табысталды. Ашық біріншілік алдағы уақытта да жалғасын табады дейді ұйымдастырушылар. Сайт - https://qyzylordatv.kz/ru/live Facebook - https://www.facebook.com/qyzylordatv/ Instagram - https://www.instagram.com/qyzylordatv/ Telegram - https://t.me/qyzylords_tv Tiktok -https://www.tiktok.com/@qyzylorda_tv/
