元朗大橋街市「蛋蛋姐」再現身 戲癮上身重演天光墟被打攝影師被襲慘況｜東張西望

元朗大橋街市「蛋蛋姐」再現身 戲癮上身重演天光墟被打攝影師被襲慘況｜東張西望 上年年初《東張》報導過，元朗大橋街街市入面有位喺路中心擺檔，搞到街市街坊天怒人怨嘅女菜販「蛋蛋姐」。 當時佢租咗兩個攤檔，卻疑似為咗報復同佢決裂嘅姊妹，霸佔街市路中心開臨時攤檔賣蔬菜，阻住其他人做生意，大家都怒不敢言。報導出街後引起全城關注，食環署火速處理，唔單只禁止佢再喺路中心擺攤，更收回佢租落嚟嘅兩個攤檔，事情就此告一段落。 時隔多月，《東張》攝製隊回到大橋街街市，眼見街市秩序已經回復正常，街坊們都多謝《東張》跟進事件讓事情得到解決。而當攝製隊準備離開時，竟意外遇上已經唔再做菜販嘅「蛋蛋姐」。 咁多個月冇見，輕裝上陣嘅蛋蛋姐顯得容光煥發，同攝製隊談笑風生，風騷依舊，更當面「關懷」早前於天光墟事件中遇襲受傷嘅攝影師。而據街坊所講，蛋蛋姐自從唔做菜販之後，態度就好咗好多，之間嘅關係已經唔再緊張。 #東張西望 #TVB #蛋蛋姐 #元朗 #街市 #社會 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm