東張西望｜吸血健身中心迫顧客簽「魔鬼條約」 過數2400變24000突然結業人間蒸發

【東張西望】吸血健身中心迫顧客簽「魔鬼條約」 過數2400變24000突然結業人間蒸發 健身中心舒適堡突然結業，引起全城熱話，更喚醒市民對健身中心嘅無良營銷手法嘅關注。 Apple、Candy、Billy都係新蒲崗一間健身中心嘅會員，其中Apple原本只想參加半年計劃，卻被健身教練不斷遊說先全數繳付兩年合約，半年後可以無條件中止，中止合約後可退回餘下費用；當Apple唔夠錢繳付時，更遊說佢向虛擬銀行借款墊付。參加完會藉後Apple發現貨不對辦，向教練要求退款時卻遭教練反口唔認，更叫囂話「畀海關、消委會電話你吖！」 而Candy喺新蒲崗街頭遇到一個扮可憐嘅男人，叫佢上去健身中心「吸個章」，佢上到去之後被大隻佬包圍，半推半就下就簽咗約仲俾埋錢，合約連單據都留喺健身中心，一查記錄先知被過數24000元！Candy追問教練點解過咗24000，教練回覆已經俾咗折扣，又遊說佢追加多2400元，結果過數時竟然過咗24000，合共過數48000元，Candy再度質詢時遭教練一口否認！ 事後佢哋發現該健身中心已經結業，而且一律不回應提問。 但你以為佢哋賺夠錢著草？原來佢哋仲打算開新店！同一位教練向Billy透露，健身中心打算開新店，遊說佢夾錢畀裝修費。Billy不為所動，一邊同佢哋維持友好關係，一邊著手調查健身中心背景，發現佢哋曾經透過威嚇手段迫使18名顧客參與其健身計劃，因而留低過案底，教練本人亦直認不諱！《東張》之後亦有派人上佢哋嘅新店了解情況。 陸偉雄大律師解釋，簽約後合約就已經取代口頭承諾，一切都必須以最終簽的嗰份合約為準。而佢亦列出合約上嘅種種魔鬼細節，要點先可以避免上當呢？ #東張西望 #TVB #健身中心 #簽約 #社會 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm